අනවශ්ය ලෙස වානිජ ණය ලබා ගැනීම නිසා ජාතික ජල සම්පාදන හා ජලාපවාහන මණ්ඩලයද මේ වන පාඩු ලබන ආයතනයක් බවට පත්වී ඇති බව ජලසම්පාදන හා ජලාපවාහන සේවක සංගමය පවසයි.
මාධ්ය වෙත අදහස් දක්වමින් සංගමයේ ප්රධාන ලේකම් ඉංජිනේරු උපාලි රත්නායක මහතා පැවසුවේ පසුගිය වසරේ සිට මෙරට වාණිජ බැංකුවලින් ණය ගැනීම නිසා මේ වන විට ජල සම්පාදන මණ්ඩලයද භාණ්ඩාගාරයට බරක් වී ඇති බවයි.
කෙසේ වෙතත් නව ව්යාපෘතිවලට ණය ගැනීමට පෙරම ව්යාපෘති ආරම්භ කර ඇති බවත් ඒ සම්බන්ධයෙන් ණය ලබා ගැනීමේ හැකියාව කොන්ත්රාත්තරුටම ලබා දීමටත් සැරසෙන බවට රත්නායක මහතා චෝදනා කළේය.
විෂය භාර අමාත්යවරයා වන වාසුදේව නානායක්කාර මහතා යුගදනවි ව්යාපෘතියට එරෙහිව උසාවියට ගියද තමාගේම අමාත්යංශයේ සිදුවන දූෂණ වංචා පිළිබදව සොයා බැලීමක් සිදු නොකරන බවත් ඔහු පවසයි.
මේ සම්බන්ධයෙන් තොරතුරු රැසක් ඉදිරියේදීද හෙළි කරන අතර මෙම වංචාසහගත කටයුතු නැවැත්වීමට වෘත්තීය ක්රියා මාර්ගවලට යොමු වන බවත් ඔහු වැඩිදුරටත් පැවසුවේය.