මේ වන විට යළි උත්සන්න වී ඇති කොවිඩ් 19 වසංගත තත්ත්වය පාලනය කිරීමට එකම විසදුම එන්නත්කරණය නිසි පරිදි ක්රියාත්මක කිරීම බවත් එන්නත්කරණය පිළිබද රජය සතු විධිමත් වැඩපිළිවෙළ ක්රියාත්මක කරන තෙක් කොවිඩ් වසංගතය පැතිර ගිය පළමු වටයේ දී කලාක් මෙන්, සෞඛ්ය බලධාරීන් නිර්දේශ කර ඇති සියලු නීති රීති හා උපදෙස් ජනතාව අකුරටම පිළිපැදිය යුතු බවත් ජනාධිපති ගෝඨාභය රාජපක්ෂ මහතා නිවේදනයක් නිකුත් කරමින් පවසයි.
ලෝක සෞඛ්ය සංවිධානය දැනට අනුමත කර ඇති සහ ඉදිරි කාලය තුළ අනුමත කිරීමට නියමිත කොවිඩ් මර්දන එන්නත් අතරින් හතරක්ම ශ්රී ලංකාවට ගෙන්වා ගැනීමට රජය විධිවිධාන සකසා ඇති බවත් එම නිවේදනයේ සදහන් වේ.
ප්රථමයෙන් ගෙන්වනු ලැබූ ඇස්ට්රසෙනෙකා එන්නත පුද්ගලයින් 925,242කට මේ වන විට ලබාදී ඇත. එම එන්නතේ දෙවන මාත්රාව ලබාදීම මැයි මස මුල සතිය තුළ ආරම්භ කිරීමට නියමිතය. ඉදිරි පෙළ සෞඛ්ය නිලධාරීන්, කොවිඩ් මර්දනයේ නිරත ත්රිවිධ හමුදා සහ පොලිස් නිලධාරීන් ඇතුළුව 356,000ක් දෙනාට දෙවැනි මාත්රාව දෙනු ලැබේ. ඉතිරි අවශ්යතාව සපුරාගැනීම සඳහා ඇස්ට්රාසෙනකා එන්නත නිෂ්පාදනය කරන ලෝකයේ සෙසු ආයතන සමග රජය දැන් සාකච්ඡා කරමින් සිටී.
රුසියාවේ නිෂ්පාදිත ස්පුට්නික් එන්නතේ මාත්රා 200,000 අප්රේල් අවසානයේ දීත්, මාත්රා 400,000ක් මැයි මාසයේදීත්, මාත්රා 800,000ක් ජූනි මාසයේදීත්, මාත්රා 1,200,000ක් ජූලි මාසයේදීත් ගෙන්වා ගනු ලැබේ. ස්පුට්නික් එන්නත් මාත්රා මිලියන 13ක් ගෙන්වීමට අමාත්ය මණ්ඩල අනුමැතිය දැනටමත් ලැබී ඇත.
පරිත්යාගයක් ලෙස චීනයෙන් ලැබී ඇති සයිනොෆාම් එන්නත් මාත්රා 600,000 ඉදිරි සති කිහිපය තුළ ලෝක සෞඛ්ය සංවිධානයේ අනුමැතිය ලැබීමත් සමග මෙරට ජනතාවට ලබාදීමට සැලසුම් කර ඇත.
මීට අමතරව රාජ්ය ඖෂධ සංස්ථාව ෆයිසර් එන්නත ගෙන්වීම සඳහා අවශ්ය මූලික ගිවිසුම් දැටනමත් අත්සන් කොට ඇති අතර එම එන්නත හැකි ඉක්මණින් ගෙන්වා ගැනීමට රජය ක්රියාකාරමින් සිටින බවත් එම නිවේදනයේ සදහන් වේ.