ශ්රී ලංකා වෛද්ය සභාවේ වැඩබලන සහකාර රෙජිස්ට්රාර්වරයාගේ ධුර කාලය 2019 ජූලි 31 වන දිනෙන් අවසන් වුවද තවමත් එම තනතුරේ කටයුතු කරමින් සිටින බවට රජයේ වෛද්ය නිලධාරීන්ගේ සංගමය (GMOA) චෝදනා කරයි.
සෞඛ්ය අමාත්ය පවිත්රා වන්නිආරච්චි මහත්මිය වෙත ලිපියක් යවමින් GMOA ප්රධාන ලේකම් වෛද්ය සෙනාල් ප්රනාන්දු පැවසුවේ ශ්රී ලංකා ශ්රී ලංකා වෛද්ය සභාවේ වැඩබලන සහකාර ලේඛකාධිකාරී ලෙස පෙනී සිටිමින් වෛද්ය චන්දන අතපත්තු මහතා බාහිර පාර්ශවයක් හමුවී සභාවේ තොරතුරු හුවමාරු කරගෙන ඇති බවට ඔවුන්ට විශ්වාසදායක ආරංචි මාර්ග ඔස්සේ දැනගන්නට ලැබුණු බවයි.
රජයේ වෛද්ය නිළධාරීන්ගේ සංගමය සතුව ඇති ලියකියවිලිවලට අනුව, ශ්රී ලංකා ක්රිකට් ආයතනයේ වැඩබලන සහකාර ලේඛකාධිකාරී ලෙස වෛද්ය චන්දන අතපත්තුගේ ධුර කාලය 2019 ජූලි 31 දිනෙන් අවසන් වීමට නියමිත බවත් වෛද්ය ප්රනාන්දු කියා සිටියේය.
ඒ අනුව මෙම වැඩබලන සහකාර ලේඛකාධිකාරී ලෙස වෛද්ය චන්දන අතපත්තු මහතාට ශ්රී ලංකා වෛද්ය සංගමයේ රහස්ය ලියකියවිලි ළග තබා ගැනීමට අයිතියක් නැති බවත් රජයේ වෛද්ය නිළධාරීන්ගේ සංගමයේ ලේකම්වරයා කියා සිටියේය.
තව දුරටත් අදහස් දැක්වූ වෛද්ය ප්රනාන්දු කියා සිටියේ මේ පිළිබදව විධිමත් පරීක්ෂණයක් පවත්වා අවසන් වන තෙක් වෛද්ය චන්දන අතපත්තු මහතාට ශ්රී ලංකා වෛද්ය සභාවට ඇතුළත් වීමට අවසර ලබා නොදිය යුතු බවයි.