හිටපු අමාත්ය සහ ශ්රී ලංකා පොදුජන පෙරමුණේ ජාතික සංවිධායක බැසිල් රාජපක්ෂ මහතා ජූලි මස 06 වන දින පාර්ලිමේන්තු මන්ත්රීවරයෙකු ලෙස දිවුරුම් දීමට නියමිත බව දේශපාලන ආරංචි මාර්ග පවසයි.
බැසිල් රාජපක්ෂ මහතා මන්ත්රීවරයෙකු ලෙස දිවුරුම් දීමෙන් අනතුරුව ආර්ථික සංවර්ධන කැබිනට් අමාත්ය ධූරයේ දිවුරුම් දීමටද නියමිත බව අද දින ජාතික පුවත්පත් දෙකක මුල් පිටුවේ පුවත්වල වාර්තා කර තිබුණි.
ශ්රී ලංකා පොදුජන පෙරමුණේ ජාතික ලයිස්තු මන්ත්රීවරයෙකු ලෙස මේ වන විට කටයුතු කරනු ලබන මහාචාර්ය රංජිත් බණ්ඩාර ඉල්ලා අස්වී බැසිල් රාජපක්ෂ මහතාට එම අවස්ථාව ලබා දෙන බවත් එම ආරංචි මාර්ග පවසයි.
හිටපු අමාත්ය බැසිල් රාජපක්ෂ මහතා මාසයක පමණ කාලයක් ඇමෙරිකාවේ ගත කිරීමෙන් පසු ඊයේ ශ්රී ලංකාවට පැමිණියේය.