හිටපු ක්‍රිකට් ක්‍රීඩකයන්ගෙන් සමන්විත ශ්‍රී ලංකා ග්‍රේට්ස් කණ්ඩායම සහ දැනට පවතින ජාතික කණ්ඩායම අතර මැයි මස 04 වන දින පල්ලෙකැලේ ජාත්‍යන්තර ක්‍රිකට් ක්‍රීඩාංගණයේදී පැවැත්වීමට නියමිතව තිබූ පන්දු වාර 20-20 ක්‍රිකට් තරගය කල් දැමීමට ශ්‍රී ලංකා ක්‍රිකට් ආයතනය තීරණය කර ඇත.
පවතින කොවිඩ් – 19 වසංගත තත්ත්වය සැලකිල්ලට ගනිමින් මෙම තරගය කල් දමා ඇති අතර මේ වන ශ්‍රී ලංකා ග්‍රේට්ස් කණ්ඩායමට නම් කර සිටි උපුල් තරංගට කොවිඩ් – 19 ආසාධනය වී ඇති බව අද දින තහවුරු විය.
අදාළ තරගය ප්‍රේක්ෂකයිනට් විවෘත නොකර පැවැත්වීමට සැළසුම් කර තිබුණු අතර රූපවාහිනී විකාශයෙන් ලැබෙන ආදායම කොවිඩ් මර්දන කටයුතු සදහා පරිත්‍යාග කිරීමට නියමිතව තිබුණි.